تداخل دوائي خطير بين اماريل و اسبرين

تناول دواء اماريل Amaryl  الذي يستخدم لعلاج مرض السكر " ارتفاع نسبة سكر الجلوكوز بالدم " اذا تم استخدامه بنفس الوقت مع الاسبرين Aspirin  فإن ذلك قد يؤدي إلى حدوث انخفاض خطير في مستويات السكر بالدم و دخول المريض بغيبوبة سكر Diabetic coma  

و السبب ؟ 
لأن الأسبرين له قابلية ارتباط  ببروتينات الدم أكثر من مادة جليمبريد المادة الفعالة في دواء أماريل و هذا الارتباط للأسبرين يجعل كمية كبيرة من جليمبريد تتحرر في تيار الدم و تؤدي تأثير مضاعف يؤدي لحدوث انخفاض شديد لمستويات الجلوكوز في الدم و في النهاية تحدث غيبوبة انخفاض مستوى السكر .

في الظروف العادية " بدون أسبرين " فإن نسبة من مادة جليمبريد ترتبط ببروتينات الدم و تكون غير فعالة و نسبة قليلة فقط هي التي تؤدي للتأثير المطلوب و لكن عند تناول الاسبرين معه تتحرر كمية أكبر و تحدث هذه الاعراض .

الحل : أن يقوم الطبيب بضبط جرعة أماريل بحيث ينتقل المريض من تركيز أعلى لتركيز أقل عندما يكون هناك ضرورة لتناول الاسبرين معه .

تداخل دوائي خطير بين اماريل و اسبرين 

النهارده وانا ف الصيدلية جالي روشتة مكتوب فيها Aspirin و Amaryl 

(أسبرين مسكن ومضاد للإلتهابات ... أماريل لعلاج إرتفاع السكر ف الدم)

لقيت نفسي قرأت الإسمين بسهولة ( دكتور خطه حلو =D ) ففرحت أوي وقمت رايح جري جايبهم من عالرف .. قوم إيه بقا ؟؟ الدكتور لمحني وانا جايبهم مع بعض كده ولسه هكتب للمريض الجرعات بقا .. قام قالي عندك . استني بتعمل ايه ؟؟ 

قلتله بكتب الجرعات يا دكتور .. قالي لا لا استني .. قلتله في إيه بس يا دكتور ؟ ده انا ما صدقت طلعت حاجة صح =D

قالي بص في Interaction خطير ما بين الأماريل والأسبرين ... لإنهم مع بعض ممكن يأدو ل hypoglycemic coma

قلتله ازاي يعني يا دكتور ؟ 

قالي بص .. الأسبرين ده مادته الفعالة Acetyl salicylic acid .. والأماريل مادته الفعالة Glimepiride ودي مادة عبارة عن Sulfonyl urea hypoglycemic ... قلتله وبعدين ايه المشكلة بردو ؟

قالي درسنا ف الكلية .. إن ال Acetyl salicylate has higher affinity to plasma protein than sulfonyl urea hypoglycemic 

يعني إيه يا دكتور ؟؟

ركزو بقا في الحتة اللي جاية دي وهنحاول نبسطها علي قد ما نقدر عشان الناس اللي مدرستش فارما لسه

باختصار خالص .. احنا لما بناخد اي دوا .. بيروح يمسك في حاجة اسمها plasma protein طول ما هو ماسك فيها فهو غير فعال .. لغاية ما يسيبها ويبقا free عشان يروح يدي الأكشن ... يعني ال free drug هو اللي فعال دي الجزئية الأولي

الجزئية التانية .. احنا دلوقتي أخدنا الأماريل اللي هو سالفونيل يوريا هايبو جلايسيميك .. شوية منه هيفضلو ماسكين ف البلازما بروتين ودول غير فعالين . والباقي هيبقا free ويروح يدي الأكشن .. دي الجزئية التانية

الجزئية التالتة .. احنا قلنا الأسيتيل ساليسيلات زي الأسبرين .. ليها قابلية انها تمسك ف البلازما بروتين اكتر من السالفونيل يوريا هايبو جلايسيميك زي الأسبرين .. طب مانا دلوقتي لو اخدت بقا الأسبرين .. هييجي رايح زاقق الأماريل وقاعد مكانه لإنه بيمسك ف البلازما بروتين اكتر .. طب مانا كده زودت كمية الأماريل ال free ف الدم ... يعني تركيزه زاد ... وبالتالي الأكشن هيزيد وهو تقليل السكر .. ف هيقلل السكر جامد جدا .. وبالتالي هيأدي ل hypoglycemic coma

يبقا ناخد بالنا بقا يا جماعة من الحتة دي عشان مهمة اوي ...

إذن ناخد بالنا واحنا بندي اي دوا فيه Acetyl salicylate مع أي دوا فيه sulfonyl urea hypoglycemic .. وطبعا الطبيب المعالج هيحسب الجرعة ويعمل Dose adjustment 

اهو مقلناش ممنوع تماما عشان الناس اللي بتقول انهم ممكن يتاخدو عادي بس بحذر ونظبط الجرعة

ونزود حتة جديدة قالوها الدكاترة في الكومنتات وهي

ان الاسبرين نفسه على المدى الطويل ليه internsic hypoglycemic effect 

علشان بيساعد علي ال oxidation 

وحرق الglucose

لذلك يجب ضبط جرعات الاسبرين و الاماريل اذا اقتضت الحاجة لتناولهم بنفس الوقت لكي لا يتعرض المريض لهذا التداخل الدوائي الخطير